د انجنیري پوهنځي د ماسټرۍ برنامې استاد

د انجنیري پوهنځي د ماسټرۍ برنامه د استاد اساسي دنده د خپل تخصص اړوند مضامینو تدریس، محصلینو ته علمي، څېړنیزې او مسلکي لارښوونې، او د تیزس د علمي لارښوونې، ارزونې او اړینو سپارښتنو وړاندې کول دي.

د دې ترڅنګ، د انجنیري علومو په اړوندو برخو کې د معیاري او علمي څېړنو ترسره کول، د علمي مقالو لیکل او په معتبرو علمي ژورنالونو کې یې نشرول، په علمي کنفرانسونو، سیمینارونو او ورکشاپونو کې فعال ګډون، د تحصیلي نصاب په مهالنۍ او غني کولو کې ونډه اخیستل، او د پوهنتون د علمي، څېړنیزو او مسلکي اهدافو د تحقق لپاره همکاري د استاد له اساسي دندو او مسؤلیتونو څخه ګڼل کېږي.

استاد مکلف دی چې د معاصرو تدریسي میتودونو، علمي او څېړنیزو منابعو او نوې ټکنالوژۍ له مؤثرې کارونې څخه په استفادې سره د تدریس کیفیت لوړ، د محصلینو علمي او څېړنیز ظرفیت پیاوړی او د ماسټرۍ برنامې د علمي معیارونو په ارتقا کې اغېزمن رول ولوبوي.

د استاد اساسي مسؤلیتونه

1. د سمستر له پېل څخه وړاندې د خپلو مضامینو اړوند د پوهنتون د ټاکلي فارمېټ سره سم کورس پالیسیانې ترتیبول او د پوهنځي د ریاست او کرېکولم کمېټې څخه یې تاییدول.
2. د پوهنځي لخوا ترتيب او تائيد شوي کرېډټ پلان او درسي مهالويش له مخې د خپل تخصص او مسلک اړوند مضامينو تدريسول.
3. د خپلو تدریسي مضامینو اړوند معیاري درسي مواد (لکچر، کتاب، پرزېنټېشن) چمتو کول، او د سمستر په پېل کې یې کاپي محصلینو ته ورکول.
4. د ماسټرۍ پروګرام د محصلینو د علمي لارښوونې او مشورې په برخه کې د اړوند دیپارتمنت لخوا سپارل شوي مسؤلیتونه په منظم او مسؤلانه ډول ترسره کول.
5. د ماسټرۍ پروګرام محصلینو ته د څېړنې، علمي لیکنې، تخنیکي مطالعاتو او مسلکي پرمختګ په برخو کې علمي لارښوونۍ او مشورې ورکول.
6. د ماسټرۍ محصلینو د تیزس د لارښوونې په برخه کې د ټاکل شوي مهالویش مطابق لازمې علمي لارښوونې وړاندې کول، د څېړنیزو طرحو او پای‌لیکونو ارزونه او د اړینو اصلاحاتو وړاندیز کول.
7. د محصلينو د پايليکونو په دفاع ګانو، مناقشو کې ګډول کول ،د خپلې برخې اړوند کارونه تر سره کول.
8. د نوې ټکنالوژۍ او وسایلو لکه ایل سی ډي، انټرنټ نه په استفادي محصلینورته مضامین په مؤثره توګه تدریسول.
9. په تدریسي چارو کې د (OBE) او (SCL) او نورو معاصرو تدریسي میتودونو څخه استفاده کول.
10. محصلینو ته د څېړنیزو فعالیتونو ترسره کولو په موخه کورنۍ دندې ورکول او له دقيقې کره کتنې وروسته یې محصلانو ته په اړه رسماُ فیډبیک ورکول
11. د اړوند پوهنځي ریاست د څېړنیزو فعالیتونو د پلان پر اساس خپل اړوند څېړنیز فعالیتونه پخپل وخت او دقیق ډول ترسره کول.
12. د انجنیري اړوندو علمي، تخنیکي او مسلکي موضوعاتو په اړه څېړنې ترسره کول، علمي مقالې لیکل په معتبرو علمي مجلو کې نشرول او علمي کنفرانسونو کې یې وړاندې کول.
13. د ماستري برنامې د بورد او یا د فوق لسانس په یوه کمېټه کې د غړي په توګه دنده ترسره کول.
14. د سمستر په جریان کې د خپلو تدریسي مضامینو اړوند په مهمو علمي موضوعاتو محصلینو ته سمینارونه وړاندې کول.
15. د هر سمستر د ازموینو لپاره د خپلو اړوندو مضامینو پوښتنې د لوړو زده کړو وزارت د اصولو سره سم ترتیبول او په ټاکلي وخت یې ماستري برنامې آمر ته سپارل.
16. د الفلاح پوهنتون د ادارې د اړتیا او غوښتنې په صورت کې له صنعتي، سوداګریزو، تخنیکي او نورو اړوندو ادارو سره د علمي او مسلکي همکاریو د رامنځته کولو او پیاوړتیا په برخه کې همکاري کول.
17. د الفلاح پوهنتون ادارې لخوا د نورو رسمي کارونو په لړ کې سپارل شوې دندې په مسوولانه توګه ترسره کول.

وړتياوې

• د انجنیري پوهنځي د ساختماني انجنیري مدیریت (Construction Engineering Management) او ساختماني انجنیري - سټرکچر (Structural Engineering) په برخه کې د دوکتورا یا ماستري ترکچی د لوړو زده کړو وزارت له لوري تائید شوي تحصیلي اسناد ولري
• خارج مرز فارغ اسناد باید د لوړو زده کړو وزارت له لوري تائید شوي وي او د انسجام او اکادیمیک چارو ریاست اړوند مکتوب یې هم ورسره ضمیمه وي
• په نړیوالو معتبرو ژورنالونو کې لږ تر لږه دوه علمي مقالي نشر شوي وي

کاري تجربه

• د ماسټرۍ کاندید باید د ماسټرۍ تحصیلي سند له ترلاسه کولو وروسته لږ تر لږه ۸ (اته) کاله په علمي برنامو کې د تدریس عملي تجربه ولري.

فني مهارتونه

• د کمپیوټر په (ایم اس افس) او انټرنټ کارولو پوره تسلط درلودل
• په پښتو او دري ژبو رواني خبري کول
• په انګلیسي ژبه بشپړ تسلط درلودل
• د انجنیري اړوند سافټویرونو سره بلدتیا لرل
• د کاري ژمنتیا، د وخت مراعتول او په دنده کې دوامداره حضور
• په انفرادي توګه او په ټیم کې د اغیزناکه کار کولو وړتیا درلودل
• د نورو همکارانو سره مثبت او مسلکي اړیکې ساتل.
• د ښې مفاهمې، خبرو اترو او مدیریت ځانګړنې

په شرايطو برابر وړکاندیدان کولای شي خپله سي وي یا خلص سوانح د غوښتنلیک او اړوندو اسنادو سره یوځای دروان 2026 میلادي کال د اکتوبر میاشتې تر 17 مې نېټې پورې ، د لاندې بریښنا لیک له لارې د الفلاح پوهنتون د بشري سرچينو آمريت ته واستوي.

career@alfalah.edu.af

نوټ: لطفاً د خپل برېښنالیک د موضوع (Subject Line) په برخه کې د دندې عنوان او د اعلان شمېره (Vacancy No.) په واضح ډول ذکر کړئ.

career@alfalah.edu.af